Campamento de Verán 2024

Dende Paso a Paso propoñemos un campamento no que os nenos e nenas poidan medrar, coa natureza como compañeira de xogos, en un espazo natural que brinda a oportunidade de experimentar outra maneira de convivir, aprendendo valores para a convivencia, o respeto polo medio ambiente e o desenvolvemento das capacidades de cada un.

No Pazo do Pombal os rapaces teñen a súa disposición un anaquiño privilexiado do rural galego onde os nenos e nenas poderán achegarse ás actividades propias da granxa, convivir cos animais, primando por riba de todo, o trato ético e responsable, pasear por bosques autóctonos, agatuñar por castiñeiros centenarios ou contemplar recostados sobre os verdes prados os fermosos solpores de verán.

As actividades encamiñadas a desfrutar da natureza tamén deixan espazo para as actividades de inmersión lingüística en inglés, onde traballaremos con un enfoque lúdico e alonxado da metodoloxia propia das aulas e os libros de texto buscando a mellora da expresión e comprensión oral.

A escalada, os roteiros interpretativos, bicicleta de montaña, as dinámicas de campamento están deseñadas para que cada que poida dar o mellor de si mesmo en un espazo onde se respeta radicalmente a diferencia. O pombal e un sitio para a infancia os nenos veñen ser eles mesmos e desfrutar do maravilloso mundo que nos arrodea.